Arif Əsədovu kim əvəzləyəcək?
Arif Əsədovun istefasından sonra baş məşqçisiz qalan "Neftçi"nin baş məşqçisinin kimliyi hələ məlum deyil. Klubdan verilən məlumata görə, yeni baş məşqçinin təyinatı sabah reallaşacaq.
İndi hamını "Neftçi"yə bundan sonra kimin başçılıq edəcəyi maraqlandırır. Fanat.az-ın əldə etdiyi məlumata görə, hazırda bu posta iki namizəd var.
Namizədlərdən biri Nazim Süleymanovdu. Kluba yaxın mənbənin Fanat.az-a verdiyi məlumata görə, AZAL-dan ayrıldıqdan sonra işsiz qalan Nazim bəylə danışıqlar davam edir. Hazırda telefonu bağlı olan Süleymanovla əlaqə saxlamaq mümkün olmayıb.
Başqa bir mənbə isə iddia edir ki, "Neftçi"nin yeni baş məşqçisi Böyükağa Hacıyev olacaq. Məlumatı verən mənbənin sözlərinə görə, artıq klub rəhbərliyi Hacıyevlə razılıq əldə edib. Böyük ehtimalla onun adı sabah ictimaiyyətə açıqlanacaq.
Qeyd edək ki, bundan əvvəl Yunis Hüseynovun "Neftçi" ilə danışıqlar apardığı deyilirdi. Lakin mütəxəssis özü açıqlamasında xəbəri təkzib etdi.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
