Bağla
Mən artıq bəyənmişəm!
    
Simsar.az | bizi özünüzə Simsar bilintopbannerleft Pcc

Xuraman Vəfa: "Sevgi pay deyil" - ŞEİRLƏR

 

 

 

 

 

 

 

 

 

 

 

 

Sevgi borc deyil ki, bu gün istəyib,

Sabah sağ ol deyib, geri verəsən.

Sevgi, ürəklərin telli sazıdır,

Gərək mizrab vurub, dilləndirəsən.

 

Hər şey bitdi deyib çıxıb getsən də,

xəyalım başından getməyəcəkdir.

Gecələr qəlbinlə yalqız qalanda,

Bir kimsə dadına yetməyəcəkdir.

 

Gedirsən yaxşı yol, uğurlar olsun,

Hər kəs qədərini yaşayacaqdır.

Könül sarayına yığdığı yükü,

Gücü çatanadək daşıyacaqdır.

 

Sanma həsrətinə dözə bilməyib,

Dərdindən ağlaram divanə kimi.

Can deyib başıma bir sığal çəksən,

Başına dönərəm, pərvanə kimi.

 

Həyat məktəbindən aldım dərsimi,

Yoxluğun gözümü qorxutmayacaq.

Mənə gəl ayrılaq, dediyin günü,

Qəlbim heç bir zaman unutmayacaq.

 

İndi son qərarı sən verəcəksən,

İstəsən ayrılaq elə bu gündən.

Mən o gün qəlbimdən silmişəm səni,

Sən də bacarırsan, çıxart könlündən.





Aliexpress INT
8 Fevral, 2018  10:32 Baxılıb: 928 Çap

Bu bölmədə


XƏBƏR LENTİ













17 Aprel, 2018  10:49






13 Aprel, 2018  09:44

11 Aprel, 2018  21:41




10 Aprel, 2018  18:19


9 Aprel, 2018  11:21




6 Aprel, 2018  09:50








31 Mart, 2018  10:54









28 Mart, 2018  10:07

27 Mart, 2018  16:05