Bu gün Topaz Premyer Liqasında 27-ci turun oyunlarına start verilib. Simsar.az xəbər verir ki, günün ilk matçında “Simurq” AZAL-ı qəbul edib. Oyunda yeganə qol meydan sahiblərindən gəlib. Draqan Çeran penaltidən fərqlənib.
Görüşün 44-cü dəqiqəsində AZAL hesabı bərabərləşdirməyə yaxın olub. Freddi Mombonqo 11 metrlik zərbəni dəqiq yerinə yetirə bilməyib.
“Simurq” – AZAL - 1:0
Qol: Draqan Çeran, 37 (p).
Xatırladaq ki, oyun günü “Neftçi” – “Bakı” və “Xəzər Lənkəran” – “Sumqayıt” görüşləri ilə davam edir. Tura isə sabah keçiriləcək “Qarabağ” – “İnter” matçı ilə yekun vurulacaq.
Vüsal Məmmədzadə