Futbol üzrə Azərbaycan yığmasının müdafiəçisi Ruslan Abışov yenidən müqavilə ilə məxsus olduğu Rusiyanın "Rubin" klubuna qayıtmağa hazırlaşır. Simsar.az Azerisort.az-a istinadən xəbər verir ki, hazırda icarə əsasında "Qəbələ"də çıxış edən futbolçu Topaz Premyer Liqasının 18-ci turu çərçivəsində "İnter"ə qarşı oyundan sonra Azərbaycanı tərk edəcək.
Çünki "Rubin"lə "Qəbələ" arasındakı icarə müqaviləsi məhz dekabrın sonuna qədərdir. Abışov Kazana gedəcək və komandasının təlim-məşq toplanışında iştirak edəcək. Futbolçumuzun taleyinə məhz həmin toplanış vaxtı aydınlıq gətiriləcək. İstisna deyil ki, məşqçilər korpusu yenə onun "Rubin"də qalmasını istəməsinlər və futbolçumuz karyerasını başqa klubda davam etdirsin.