"Neftçi" Bruno Bertuççi ilə yollarını ayırıb.
Simsar.az-ın məlumatına görə, bu barədə klubun rəsmi saytı məlumat yayıb.
Məlumatda bildirilir ki, braziliyalı futbolçunun müqaviləsinə onun öz müraciətindən sonra xitam verilib. Gedişin səbəbi açıqlanmayıb.
Qeyd edək ki, 2009-cu ildə Braziliyanın U-20 milli komandasının heyətində 7 oyun keçirən və 1 qol vuran Bertuççi “Korintians” (Braziliya) və “Qrashopper” (İsveçrə) kimi klublarda çıxış edib. 2012-ci ildən “Neftçi”nin formasını geyinən futbolçu ölkəmizdə 80 oyun keçirib və 3 qol vurub. O, Bakı klubu ilə Azərbaycan çempionu və ölkə kubokunun qalibi olmaqla yanaşı, Avropa Liqasının qrup mərhələsi oyunlarında da iştirak edib.