Avropa Liqasının pley-off mərhələsinin ilk oyunları çərçivəsində keçiriləcək “Partizan” (Serbiya) – “Neftçi” (Azərbaycan) oyununun hakimləri müəyyənləşib
Simsar.az xəbər verir ki, Azərbaycan kubokunun qalibinin oyunu türkiyəli ədalət təmsilçilərinə tapşırılıb.
Avqustun 21-də baş tutacaq görüşü Hüseyin Göçek idarə edəcək. 38 yaşlı referi 2008-ci ildən FİFA hakimidir. Türkiyəli UEFA-nın 1-ci kateqoriyasına daxildir.
Baş hakim: Hüseyin Göcek
Baş hakimin köməkçiləri: Mustafa Emre Eyisoy, Orkun Aktas
Dördüncü hakim: Süleyman Abay (hamısı Türkiyə)
UEFA nümayəndəsi: Joao Morais (Portuqaliya)
Hakim-inspektor: Adrian D. Kaşa (Malta)