Çinin Nanjinq şəhərində Yeniyetmələr arasında II Yay Olimpiya Oyunlarına sayılı gün qaldı. Goal.az Apasport.az-a istinadən xəbər verir ki, 14-18 yaşlılar arasında keçiriləcək Olimpiadada 204 ölkədən 3600 idmançı iştirak edəcək. 28 idman növündə 222 medal uğrunda keçiriləcək turnirdə ölkəmiz 7 idman növündə mübarizə aparacaq. Nanjinq-2014-də güləş, taekvondo, boks, üzgüçülük, atletika, akademik avarçəkmə və cüdo yarışlarında 19 təmsilçimiz ölkəmizin himnini səsləndirməyə çalışacaqlar.
Nanjinq-2014-ə komandamız aşağıdakı heyətlə gedir:
Teymur Məmmədov, sərbəst güləş (63 kq)
İqbal Hacızadə, sərbəst güləş (100 kq)
Leyla Qurbanova, qadın güləşi (52 kq)
Cabbar Nəcəfov, yunan-Roma güləşi (50 kq)
İslambek Dadov, yunan-Roma güləşi (69 kq)
Səid Quliyev, taekvondo (73 kq)
Gülhanım Yeşildağ, taekvondo (55 kq)
Ceren Özbek, taekvondo (44 kq)
Safiye Polat taekvondo (49 kq)
Məhəmmədəli Tahirov, boks (+91 kq)
Rüfət Hüseynov, boks (49 kq)
Məsud Yusifzadə, boks (52 kq)
Elvira Həsənova, üzgüçülük, sərbəst üsulla
Nazim Babayev, atletika, 3 təkanla tullanma
Benafeta Hadiyes, qaçış, 3000 metr
Yelena Qladkova, atletika, şüvüllə tullanma
Boris Yotov, akademik avarçəkmə
Natiq Qurbanlı, cüdo (55 kq)
Leyla Əliyeva, cüdo (44 kq)
Qeyd edək ki, Olimpiyadanın rəsmi açlış mərasimi avqustun 16-da olacaq. Ancaq sabahdan futbol yarışları start götürəcək. Turnirin bağlanış mərasimi isə avqustun 28-də olacaq.