Simsar.az-ın “Mundial” layihəsinin bu dəfəki qonağı veteran futbolçu Yunis Hüseynov olub
Dünya Çempionatının ¼ final mərhələsində bu gün baş tutacaq oyunlarla bağlı fikirlərini bölüşən mütəxəssis ilk olaraq Fransa – Almaniya matçına toxunub. Hər iki komandanın gücünü yüksək dəyərləndirən Hüseynov Fransanın müəyyən şanslarının olduğunu deyib: “Mətbuatda oxuduğum xəbərə görə Almaniya millisinin bəzi oyunçularının sağlamlıqla bağlı problemləri var. Bu, onların oyununa təsirsiz ötüşməyəcək. Heyətdə yaranacaq kiçik çatışmazlıqlar Fransanın qələbə qazanmasına səbəb ola bilər. Ancaq almanlar oyuna optimal heyətlə çıxa bilsələr, düşünürəm, üstün tərəf Bundestim olacaq”, - deyən futbol mütəxəssisi zarafatından da qalmayıb: “Mən bu komandaların heç birisinə azarkeşlik etmirəm. Məndən olsa idi, heç biri mərhələ keçməzdi”.
Braziliya azarkeşi olan Yunis Hüseynov fanatı olduğu komandanın Kolumbiya ilə matçından sürpriz gözləmir: “Kolumbiya çox yaxşı komandadır. Onlar nəyə qadir olduqlarını sübut ediblər. Ancaq Braziliya bu mərhələni adlamalıdır. İnanmıram, fərqli nəticə qeydə alınsın”.
Xatırladaq ki, Mundialda günün proqramı belədir:
21:00. Fransa – Almaniya
“Marakana”, Rio-de-Janeyro
01:00. Braziliya – Kolumbiya
“Estadio Kastelao”, Fortaleza
Vüsal Məmmədzadə
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
