“Mənə İbrahim Tatlısəs yox, Mustafa Topaloğlu kömək edib”
İstanbulda olarkən bizə simsar olan Pınar Sağırın vasitəsilə Türkiyənin məşhur oriyental rəqs ifaçısı Asena ilə görüşdük. Asenanın bu qədər sadə və səmimi olması insanda onun haqqında xoş təəssürat yaradır. Hələ Azərbaycandan gəldiyimizi bildikdə, bizimlə daha da xoş münasibət qurdu – sanki illərdir tanıdığı yaxınları kimi... Onunla səhnə aldığı gecə klublarının birində həmsöhbət olduq. Səhnə çıxışına az vaxt qalsa da, bizimlə qısa da olsa məmnuniyyətlə söhbət etdi.
- İş qrafikiniz gərgindir?
- Hə, bir az. Üstəlik, özüm də çalışmağı, səhnədə rəqs etməyi çox sevirəm.
- Sizinlə eyni səhnəni başqa rəqqasələr də paylaşır. Onlar haqda nə düşünürsüz?
- Rəqslərini hələ ki, peşəkar saymıram. Üzərlərində çox çalışmalıdırlar.
- Hazırda Türkiyənin ən məşhur oriyental rəqs ifaçısısız. Tələbələriniz var?
- Rəqsi öyrənmək, eyni zamanda, arıqlamaq istəyən xanımlar üçün klub açmışam. Ora gələnlər çoxdur. Həvəslə öyrənirlər.
- Bu yaxınlarda Azərbaycanda olduz...
- Bəli, Azərbaycana gəlməkdən zövq alıram. Ölkənizi çox sevirəm. Özümü orada sanki doğma evimdəki kimi hiss edirəm. Üstəlik də, bu, Azərbaycana ilk gəlişim deyildi.
- Azərbaycanda ən çox nəyi sevirsiz?
- İnsanlarınızı. Mənə doğmadırlar. Nə də olsa, eyni millət sayılırıq. Onların arasında özümü qərib hiss etmirəm. Ümumiyyətlə, sizi və ölkənizi sevməmək mümkün deyil.
- Sənətdən dolayı, şəxsi həyatınıza vaxt ayıra bilirsiz?
- Demək olar ki, şəxsi həyatımda boşluq var.
- Ailə qurmağı düşünmürsüz?
- Düşünürəm. Amma nə zaman, bunu bilmirəm. Bəlkə məni bir azəri ilə evləndirəsiz (gülür)?
- Bunu ciddi qəbul etmək olar?
- Belə bir namizəd olsa, ailə quraram...
- Doğrudanmı sizi sənətə İbrahim Tatlısəs gətirib?
- O insan haqda danışmaq istəmirəm. Amma mənə sənətin, populyarlığın qapısını açan Mustafa Topaloğlu olub.
Azər Nəsibov
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
