İLHAM ƏLİYEV VARŞAVADAKI SAMMİTƏ QATILACAQ
Cari il sentyabrın 28-29-da Polşanın paytaxtı Varşavada Avropa İttifaqının Şərq Tərəfdaşlıq Proqramına üzv olan ölkələrin dövlət başçılarının sammiti keçiriləcək.
Bunu SalamNews-a Avropa İttifaqının Şərq Tərəfdaşlıq Proqramının Mülki Cəmiyyət Forumunun Azərbaycanda milli koordinatoru Vüqar Bayramov bildirib.
Onun sözlərinə görə, sammitdə proqrama üzv olan 6 ölkədən 5-nin, o cümlədən Azərbaycan, Gürcüstan, Ermənistan, Ukrayna və Moldova prezidentlərinin görüşü də gözlənilir: “Güman olunur ki, Belarus prezidenti sözü gedən görüşə dəvət olunmayacaq. Görüşdə Avropa Komissiyasının prezidenti və eləcə də Avropanın bir sıra ölkələrinin, o cümlədən Polşa prezidentinin görüşə qatılacağı gözlənilir. Tədbirdə Avropa İttifaqı ilə Şərq Tərəfdaşlıq Proqramına qoşulan ölkələr arasında əməkdaşlıq prespektivləri müzakirə olunacaq.
V.Bayramov deyib ki, Azərbaycan prezidenti İlham Əliyev də sammitə qatılacaq: “Sammitdə Azərbaycanın Avropa İttifaqı arasında viza rejiminin sadələşdirilməsi, ölkə vətəndaşlarının Avropaya daha asan, eləcə də sonrakı mərhələlərdə vizasız gediş-gəlişin təmin olunması, həmçinin proqram çərçivəsində Avropa İttifaqı tərəfindən assosiativ üzvlülük, ticarətin liberallaşdırılması məsələləri ilə bağlı müzakirələr aparılacaq”.
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
