Əvəz Zeynallı: “Cərimənin hissə-hissə ödənilməsini istəyirik”
“Xural” qəzetinin baş redaktoru Əvəz Zeynallı Prezident Adminstrasiyasının rəhbəri Ramiz Mehdiyevin qəzetə qarşı iddiasının təmin olunması ilə bağlı bu gün mətbuat konfransı keçirib.
Ə.Zeynallı dövlət məmurlarının qəzetləri cəriməyə görə məhkəməyə verməsini müsbət qiymətləndirdiyini deyib: “Bəli, ola bilər biz yanlış yazmışıq, kiminsə şəxsiyyətinə toxunan ifadələr işlətmişik. Hətta bizi 10 min manat istəmələri bizi sevindirmişdi. Bizdən hətta bir milyon istəyənlər olub”.
O, “Xural” qəzetinin bir il ərzində ayda 70-90 manat arasında cərimə ödəyə biləcəyini deyib.
Beynəlxalq qurumlara müraciət etdiklərini söyləyən baş redaktor bir günlük aclıq aksiyası keçirmək istədiklərini də bildirib: “Hər şeyi əlimizdən almaq istəyirlər. Yaşadığım ev qayınatamın adınadır. Pul ödənilmədiyi üçün bizə təzyiqlər gəlir. Ancaq biz bu iddialara etiraz etmirik. Sadəcə, cərimənin hissə-hissə ödənilməsini istəyirik”.
Nərimanov rayon məhkəməsi R. Mehdiyevin iddiasına baxaraq “Xural” qəzetini 10 min manat cərimələyib. Proses Ali Məhkəmədə davam etdirilib. Bu qərar fevral ayından qüvvəyə minib.
Prezident yanında KİV-ə Dəstək Fondunun icraçı direktoru Vüqar Səfərli də məhkəmədə iddia qaldırıb. O qəzetdə şərəf və ləyaqətinin təhqir olunduğunu iddia edib və buna görə, 10 min manat təzminat tələb edib, eləcə də qəzetin ondan rəsmən üzr istəməsini istəyib.
Ruslan
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
