Avropa Şurasının İşgəncələrin qarşısının alınması üzrə Komitəsinin prezidenti bu suala cavab verir
Avropa Şurasının İşgəncələrin, qeyri-insani və ya ləyaqəti alçaldan rəftarın və ya cəzanın qarşısının alınması üzrə Komitəsinin prezidenti Lətif Hüseynov Azadlıq.org saytına müsahibə verib.
Bu komitənin azadlıqdan məhrum edilmiş şəxslərlə necə rəftar olunduğunu yoxlamaq və qiymətləndirmək üçün üzv ölkələrdəki bütün azadlıqdan məhrum etmə yerlərinə – polis məntəqələrinə, həbsxanalara, əcnəbilər üçün saxlama mərkəzlərinə, psixiatriya xəstəxanalarına sərbəst baş çəkmək hüququ olduğundan L.Hüseynovun müsahibəsində oxucunun diqqətini çəkən məqamlar var.
Nəzərə alsaq ki, yerli həbsxanalarda işgəncə faktları ilə bağlı Komitəyə zaman-zaman müraciətlər olub L.Hüseynovun prosesə müdaxilə etmə imkanı hansı səviyyədədir?
Komitə sədri deyir ki, nəinki komitənin rəhbəri, hətta üzvü kimi də Azərbaycandakı situasiyaya müdaxilə etmək ixtiyarı yoxdur:
“Qərəzsizlik və müstəqillik tələblərinə əməl olunmalı, maraqlar toqquşmasına yol verilməməlidir. Bu, konvensiyanın tələbi və bizim iş təcrübəmizdir. Əgər komitənin iclasında Azərbaycanla bağlı müzakirə gedirsə, mənim həmin müzakirədə iştirak və ya hər hansı formada müdaxilə etmək ixtiyarım yoxdur. Tutaq ki, sabah komitədə Azərbaycanla bağlı məsələ müzakirə olunsa, mən iclası aparmaq səlahiyyətimi mütləq vitse-prezidentlərdən birinə həvalə etməliyəm.
Mən də həm bir vətəndaş, eləcə də insan hüquqlarının müdafiəsi ilə məşğul olan bir komitənin rəhbəri kimi, istərdim ki, Azərbaycandan gedən şikayətlərin sayı az olsun. Və Azərbaycanda insan hüquqlarının vəziyyəti elə olsun ki, o, başqa ölkələrə nümunə göstərilsin”.
Ramil Nəcəfli
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
