Yekun qərar sabah bəlli olacaq
«Müsavat Partiyasının martın 12-də keçirilməsini məqsədəuyğun
saydığı mitinq barədə qərarı sabah bəlli olacaq. Hazırda mitinqlə bağlı partiya rəhbərliyi İctimai Palatada təmsil olunan digər partiyalarla müzakirə aparır».
Bunu Simsar.az-a açıqlamasında Müsavat Partiyası başqanının müavini Gülağa Aslanlı bildirib.
Müsavat başqanı İsa Qəmbər daha öncə mətbuata müsahibəsində qeyd edib ki, partiya martın 12-nə mitinq təyin etməyib, həmin gün aksiya keçirilməsi məqsədəuyğun hesab edilib.
Məlumatlara görə, Müsavat Partiyası aksiya keçirmək niyyətindən əl çəkib. G.Aslanlı məlumatı doğru saymır: «Partiya mitinqlə bağlı yekun qərar verməyib. Çox böyük ehtimalla aksiya keçiriləcək. Hazırda Koordinasiya Şurasında bu istiqamətdə müzakirələr aparılır. Hər şey sabah günorta bəlli olacaq».
Qeyd edək ki, İctimai Palatada təmsil olunan partiyaların böyük əksəriyyəti indiki məqamda mitinqin keçirilməsinin tərəfdarı deyil və Müsavat Partiyasının qərarını tənqidlə qarşılayıblar.
RAMİL
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
