Mehman Əliyev: “Bu gün Azərbaycanda həqiqəti demək sovet dövründəki kimi təhlükəli və problemlidir”
“Gündəlik medianı az oxuyuram. Çünki orda yazılanlar əksərən dedi-qodudur. Mənim üçün bunlar, o qədər də maraqlı deyil” – bunu “Turan” İnformasiya Agentliyinin direktoru Mehman Əliyev deyir.
M.Əliyev milli medinın inkişaf etməməsinin səbəbini jurnalistlərinin fiziki təzyiqlərə məruz qalması ilə əlaqələndirir: “Bu gün Azərbaycanda həqiqəti demək sovet dövründəki kimi təhlükəli və problemlidir. Jurnalistlər bir tərəfdən məhkəmələrlə, bir tərəfdən maddi çətinliklə üzləşir. Bir vaxtlar mübarizə aparanlar da yavaş-yavaş bizim sıraları tərk edir”.
Jurnalist simsar.az saytına açıqlamasında çap mediasında dərc olunan yazıların üslub baxımından da bir-birindən seçilmədiyini bildirib: “İndiki qəzetlərdə janr rəngarəngliyi yoxdur. Daha çox informasiyalar, korrespondensiyalar dərc olunur. Həcmi böyük, lakin hansı tip yazı olduğu anlaşılamayan məqalələr çoxluq təşkil edir. Reportajlar bizdə, demək olar ki, yox dərəcəsindədir, xülasələr çox zəifdir, müsahibə janrının növləri işlənmir”.
M. Əliyevin bildirir ki, jurnalist birinci növbədə haqqa xidmət etməli, insanlara həqiqəti çatdırmalıdır: “Jurnalist üçün hər şeydən öndə həqiqət dayanır. Bu məsələyə çox həssas yanaşıram. Sovet dövründə biz xəbərləri sətirarası oxuyurduq, Yəni ideoloji pərdəni bir kənara atıb təhlil edəndə maraqlı prosesləri izləmək olurdu. Xarici mətbuatda dərc olunan xəbərlərin tərcümələrini oxuyub görürdüm ki, onların üslubuları başqadır. Mən həmişə sətirarxası həqiqəti axtarmışam”.
M.Əliyev Jurnalistikanın iqtisadi baxımdan asıllığını ziyanlı tendensiya hesab edir. Onun fikrincə, BBC, CNN standartlarına çata bilmək üçün peşəkar olmaq lazımdır: “Real rəqabətin olmadığı, jurnalistlərin fəaliyyəti məhdudlaşdırıldığı bir dövürdə peşəkar olmaq da çətinlişir”.
Arifə MİKAYILOVA
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
