Mətbuatı bu prosesə təkan verməyə çağırırıq
Hər gün müxtəlif səpkili, xeyli sayda kriminal xarakterli informasiyalar oxuyuruq. Və bu tendensiya artan xətlə davam edir. Nəticədə intihar edənlərin, qatar altında qalanların, qəzaya düşənlərin, qətl hadisəsi törədənlərin sayı azalmır, əksinə, artır. İntihar hallarından o qədər yazılır ki, bu dəhşətli hadisə artıq ictimaiyyətdə adiləşir. Heç kim qarantiya verə bilməz ki, bu cür xəbərlərin çoxalması kriminal hadisələrin artmasına səbəb deyil. Buna görə də bizim sayt oxucularını qanlı olaylarla üz-üzə qoymaqdan imtina edir. Daha doğrusu “Simsar” kriminal xəbərlərə məhdudiyyət qoyur.
Saytın təşəbbüsünü psixoloq Elnur Rüstəmov da dəstəkləyir: ” Bu sahədə proporsiya olmalıdır. Mən sizin saytın bu təşəbbüsünü müsbət qiymətləndirirəm. Bu təşəbbüsə bütün informasiya agentlikləri, qəzetlər, xəbər prortalları, televiziya və radio da qoşulmalıdır. Maarifləndirmə aparılmalıdır. Qərb ölkələrində kriminal xarakterli xəbərləri yayımlamırlar. Çünki belə xəbərlər insanlara pis təsdir edir. Həmçinin ABŞ-da “psixi sağlamlıq və psixi təhlükəsizlik” haqqında qanun qəbul edilib. Qanuna əsasən, kriminal xəbərlərə görə insanlar məsuliyyətə cəlb olunurlar. Çox istərdim ki, bizdə də belə qanun olsun. İnsanlara aqressiyadan necə uzaqlaşdırmanın yolları öyrədilməlidir və onlarda aqressiya yarada bilən xəbərlər yayımlanmamalıdır”.
Mənəvi Dünya İctimai Birliyinini sədri Hacı Şahin də belə düşünür ki, real hadisələr mətbuatda öz əksini tapmalıdır, ancaq kriminal xəbərlərin KİV-də yayılması cinayətlərin təbliği kimi də dəyərləndirilə bilər: “Dinimiz də müsbət dəyərlərin təbliğinin tərəfdarıdır. Kriminal xəbərlərin hər bir evə daxil olması heç də müsbət hal deyil. Bu insan psixologiyasına mənfi təsir edir.”
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
