O, bir neçə gün əvvəl itkin düşübmüş
Xaçmaz rayonunun meşəlik ərazisindən meyit tapılıb. Rayon prokurorunun vəzifələrini icra edən Fərahim Hüseynlinin ANS PRESS-in bölgə müxbirinə bildirdiyinə görə, bu barədə Prokurorluğa saat 09:45 radələrində polis şöbəsindən məlumat daxil olub.
Prokurorluğun və polis şöbəsinin əməkdaşları dərhal meyitin tapıldığı Xaspoladoba kəndindəki meşəlik əraziyə yollanaraq, ilkin araşdırmalara başlanılıb.
Məlum olub ki, meyit Quba rayonunun Aydınkənd kəndində anadan olan, Xaçmaz rayonu Dağıstan küçəsi 7 ünvanında yaşayan 83 yaşlı Məmmədsəfa Gülbala oğlu Mustafayevə məxsusdur. Meyitin xarici müayinəsi zamanı məlum olub ki, M. Mustafayev -2-3 dərəcə şaxtaya dözməyərək donvurmadan ölüb.
Daha sonra məlum olub ki, mərhumun oğlu Mehman bir neçə gün əvvəl polisə ərizə ilə müraciət edərək atasının 18 yanvarda evdən çıxdığını və bir daha geri qayıtmadığını bildirib. O, ərizəsində vurğulayıb ki, atası son zamanlar yaddaş pozulmasından əziyyət çəkirmiş. Yaddaşı pozulduğundan getdiyi yolu unudurmuş.
Hazırda faktla bağlı araşdırma aparılır.
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
