Azərbaycan Suriyaya satdığı təbii qazın həcmini iki dəfə artırmaq niyyətindədir.
APA-nın məlumatına görə, bunu Azərbaycan Dövlət Neft Şirkətinin prezidenti Rövnəq Abdullayev bildirib. Onun sözlərinə görə, 2012-ci ildən etibarən Azərbaycan Suriyaya ildə 1 mlrd. kubmetr qaz nəql edəcək, 2015-ci ildən isə bu həcm iki dəfə artırılaraq 2 mlrd. kubmetrə çatdırılacaq: “Hazırda bu məsələyə dair işlər, o cümlədən Türkiyə ərazisindən Azərbaycan qazının nəqlinin texniki tərəfləri və tariflər “BOTAŞ” şirkətilə müzakirə olunur. Gələn il ərzində bu istiqamətdə işlər davam etdiriləcək ki, 2012-ci ildən etibarən Azərbaycandan Suriyaya qazın ixracına başlanılsın”.
Qeyd edək ki, hazırda Azərbaycan Türkiyə, Rusiya, Gürcüstan və İrana qaz ixrac edir.
Milli.Az
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
