Qışda məktəblilər sinifdə üşüməyəcək
Yeni tədris ilində Bakı məktəblərinin istilik təchizatı ilə bağlı ciddi problem yaranmayacaq. Trend-in məlumatına görə, bunu çərşənbə axşamı jurnalistlərə təhsil naziri Misir Mərdanov deyib.
Onun sözlərinə görə, hazırda qarşıya qoyulan məqsədlərdən biri də bir şagird-bir kompyuter nisbətinin təmin edilməsidir. Hazırda bu sahədə ciddi işlər aparılır.
Nazir bildirib ki, indiyədək 100-dən çox orta məktəb genişzolaqlı internetə qoşulub. Bu məktəblər ümumilikdə ölkə üzrə olan ümumtəhsil məktəblərinin təxminən ¼ hissəsini təşkil edir. Amma həmin məktəblər böyük təhsil müəssisələri olduqları üçün orada təhsil alan şagirdlərin sayı çoxdur.
Mərdanov deyib ki, hazırda təhsildə informasiya komunikasiya texnologiyalarının təşkili vəziyyəti 5 il bundan qabaqkı səviyyə ilə müqayisə edilə bilməz. Onun sözlərinə görə, bu gün Azərbaycanın demək olar ki, bütün məktəblərində İKT avadanlıqları quraşdırılıb.
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
