Sabah Aslan İsmayılovun işinə baxılacaq
Sentyabrın 14-də Vəkillər Kollegiyasının İntizam Komissiyasının iclası keçiriləcək.
İclasa vəkil Aslan İsmayılov da çağırılıb.
Bu haqda AzadlıqRadiosuna Aslan İsmayılov özü məlumat verib:
«Mənə dedilər ki, ayın 14-ü saat 12-də İntizam Komissiyasına gəlməlisən. Sədrin yanına da getdim. Dedim ki, müttəhimi məhkəməyə çıxardanda belə, ona ittiham aktı verirlər ki, özünü müdafiə edə bilsin, mənə məlumat verin. Azər Tağıyev dedi ki, sabah gələrsən, görərsən».
Sentyabrın 14-də Vəkillər Kollegiyasının İntizam Komissiyasında vəkil Elçin Namazovun intizam məsuliyyətinə cəlb olunması ilə bağlı məsələyə də baxılacaq.
Avqustun 27-də 2 aprel məhbuslarının məhkəməsi zamanı hakim Şahin Abdullayev Elçin Namazovu prosesdən kənarlaşdırıb, onu məhkəməyə hörmətsizlikdə ittiham edib. Məhkəmə onun Vəkillər Kollegiyasından çıxarılması üçün bu quruma müraciət edib.
Avqustun 24-də Vəkillər Kollegiyasının Rəyasət Heyəti vəkil Xalid Bağırovun 1 il müddətinə qurumdan uzaqlaşdırılması, vəkillik fəaliyyətinin dayandırılması haqqında qərar çıxarmışdı.
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
