Mesajın amması da var
Dünya iqtisadiyyatının təkrar böhranla üzləşməsi ehtimal olunmasa da, müəyyən risklər qalır. Simsar.az-ın “Reuters”ə istinadən xəbərinə görə, bu bəyanatla Dünya Bankının (DB) prezidenti Robert Zellik çıxış edib.
O, ABŞ iqtisadiyyatında da təkrar böhranın yaşanacağına inanmadığını bildirib: “Amma ABŞ iqtisadiyyatının gələcəyi çox qeyri-müəyyəndir. Ölkə iqtisadi artımın asta templəri və kütləvi işsizliklə üzləşməli olacaq”.
DB prezidenti Avropadakı böhranla da bağlı fikirlərini açıqlayıb. Onun fikrincə, Avropa İttifaqı üzv ölkələrin maliyyə siyasətinə münasibətdə əsaslı iş aparmalıdır.
Qeyd edək ki, bu il sentyabrın 9-da Marsel (Fransa) şəhərində “Böyük 7-lik” ölkələrinin maliyyə nazirlərinin və Mərkəzi Bank rəhbərlərinin görüşü keçiriləcək. İclasın məqsədi dünya iqtisadiyyatındakı böhranla mübarizə üçün zəruri olan tədbirləri razılaşdırmaqdır.
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
