Baş Plan baş tutsa indiki Bakıdan əsər-əlamət qalmayacaq
“Nizami metrosunun və Azərbaycan Dövlət Akademik Milli Dram Teatrının arxasından başlanan və keçmiş “Kubinka”, «Sovetski» adlanan ərazi də daxil olmaqla həmin sahənin yenidən planlaşdırılması və qurulması nəzərdə tutulur. Həmin ərazidəki kiçik və darısqal evlərin yerində 5-7 mərtəbəli yaşayış binaların tikintisi nəzərdə tutulub”.
Bunu Azərbaycan Dövlət Memarlıq və Şəhərsalma Komitəsinin beynəlxalq əlaqələr və informasiya şöbəsinin müdiri Cahangir Qocayev «Olaylar»a müsahibəsində bildirib.
Onun sözlərinə görə, yerli əhali istəsə, həmin ərazidə tikiləcək yeni evlərdə qala biləcəklər. Əgər narazılıq yaranarsa onlara evlərinin əvəzində kompensasiya ödəniləcək və istədikləri yerdən mənzil alacaqlar. Bu, həm də həmin sakinlərin investorla razılaşmasından asılı olacaq.
C.Qocayev həmçinin bildirib ki, Dövlət Layihə İnstitutu «Beşmərtəbə» adlanan mərkəzi hissəsinin yenidən qurulması və abadlaşdırılması üzrə layihə hazırlayır. Layihənin bu ilin sonuna qədər tamamlanması və yeni ildən təsdiqlənməsi gözlənilir. Layihə təsdiq edildikdən sonra onun həyata keçirilməsi üçün investor seçiləcək və ərazinin yenidən qurulması istiqamətində işlərə başlanılacaq.
C.Qocayevə görə, Bakıdakı bütün “xruşovka” və “stalinka” tipli binalar tədricən söküləcək. Həmçinin Bakının mərkəzində hündürmərtəbəli binaların tikintisinə də prezident tərəfindən qadağa qoyulub. Hazırda tilikən binaların özülü prezidentin göstərişindən əvvəl qoyulduğundan inşası davam etdirilir.
RAMİL
Azərbaycan nefti bahalaşdı
Sabah leysan yağacaq
Fərid Əlibabazadə Octagon liqa kəmərini qorumaq üçün döyüşəcək - ÖZBƏKİSTANDA
Xalq artisti ilə görüş keçirildi
.jpg)
