TQDK qəbul imtahanlarının nəticələrini açıqladı

Tələbə Qəbulu üzrə Dövlət Komissiyası (TQDK) mayın 18-də ali təhsil müəssisələrinin I və IV ixtisas qrupları üzrə keçirilmiş qəbul imtahanlarında istifadə olunmuş test tapşırıqlarının düzgün cavablarını açıqlayıb.

Komissiyanın mətbuat xidmətindən Simsar.az-a verilən məlumata görə, imtahanda istifadə olunmuş sualların düzgün cavabları TQDK-nın internet saytında və “facebook” səhifəsində yerləşdirilib.

Hazırda imtahan vermiş abituriyentlərin cavab kartlarının emalı aparılır. Bu proses başa çatdıqdan sonra yaxın günlərdə nəticələr və hər bir abituriyentin cavab kartının qrafik təsviri TQDK-nın internet saytında yerləşdiriləcək. Abituriyentlər imtahan nəticələri barədə məlumatı həmçinin mobil telefonla iş nömrələrini 7727 nömrəsinə göndərməklə öyrənə biləcəklər.

Qəbul imtahanının nəticələrinin isə yaxın 2 gün ərzində açıqlanması nəzərdə tutulur.

Bütün qruplar üzrə müsabiqədə iştirak hüququ qazanan abituriyentlərin (həm əvvəlki, həm də cari ilin məzunları) ixtisas seçimi internet vasitəsilə iyulun sonlarında aparılacaq


Azərbaycan bölməsi - I qrup
http://eservices.tqdk.gov.az/exam/a1z.htm

Azərbaycan bölməsi - IV qrup
http://eservices.tqdk.gov.az/exam/a4z.htm

Rus bölməsi - I qrup
http://eservices.tqdk.gov.az/exam/r1z.htm

Rus bölməsi - IV qrup
http://eservices.tqdk.gov.az/exam/r4z.htm

Aysel