Mallarını gecə və gündüz, gizli və aşkar (yoxsullara) sərf edənlərin Rəbbin yanında böyük mükafatları vardır. Onların (axirətdə) heç bir qorxusu yoxdur və onlar qəm-qüssə görməzlər.
(“Qurani Kərim”)
Comərd insanların azlığı, comərdliyin azalması bugünkü dünyanın və insanlığın ən böyük üzüntülərindən biridir. Əhalisnin sayı milyardlarla olan dünyada zənginlər zənginliklərinin bir hissəsini yoxsullar üçün, onların təhsili, sağlamlığı, qidalanması üçün sərf etsə, bu cür gərgin deyil, fərqli bir dünyada yaşayar(d)ıq... Bu dünyanın hər yerində, o cümlədən bizdə də ən ciddi üzüntülərdən biri duyarlı insanların sayının get-gedə azalmasıdır...
Hz. Əli deyərdi ki, cənnət comərdlərin, cəhənnəm isə cahillərin yeridir. O zaman nədən comərd olmaq istəyənlərin sayı artmır?..
Təəssüf ki, nəfsə məğlub insanların sayı artır və əsas səbəb də elə budur. İnsan anlamır ki, o hər dəqiqə dünyadan köçə bilər və o zaman özü ilə bu dünyadan heç nə apara bilməyəcək... heç nə! Aparacağı tək şey etdiyi gözəl əməllər və yaxşılıqlar olacaq. İslam alimi və mütəfəkkiri Əhməd İbn Qeysin bu barədə çox hikmətli bir kəlamı var: “Comərdlik olmadıqca malın, vəfa olmadıqca isə dostluğun xeyiri yoxdur.”
“Comərd - nəsihətlə yetinməyib, yardım edəndir” – deyirdi fransız yazarı Lyuk de Klapye Vovenarq. Həm də hz. Hüseynin təbirincə desək, insanların ən comərdi istənilmədən verəndir – yəni, ağır duruma düşmüş insanın ondan yalvarıb xahiş etməsini gözləmədən yardım edən insan... Və yerində, zamanında verən insan. Belə deyirdi fransız yazıçısı və filosofu Jan Labrüer: “Comərdlik çox verməkdən savayı, yerində və zamanında verməkdir. Əsl comərd isə verdiyini xatırlamayandır və unutmamalıyıq ki, comərdlik səadət açarıdır (Nasir Xosrov).
“Comərdlik dostluğun əsasıdır", – deyirdi ingilis yazıçısı Oskar Uayld.
Amerika yazıçısı Nataniel Hotorn isə “comərdlik ədalətin çiçəyidir” – deyirdi...
Comərdlik gözəldir, lakin zənginlərdə olsa daha gözəl olar, – deyirdi Tanrının sonuncu elçisi...
“Heç ölməyəcəkmiş kimi dünya üçün, sabah öləcəkmiş kimi isə axirət üçün çalışın”, deyən peyğəmbərimiz bu gün də bizə səslənir. Duyursunuzmu, insanlar, duyursunuzmu?!.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
