Hadisə nəticəsində xəsarət alan olmayıb
Bu gün saat 12:20 radələrində Bakının Nəsimi rayonu, Mirəli Qaşqay küçəsində yerləşən 13 mərtəbəli binada yanğın olub. Dövlət Yanğından Mühafizə Xidmətindən verilən məlumata görə, yanğın binanın 10-cu mərtəbəsinin liftində baş verib. Hadisə yerinə I çağırışla 4 yanğınsöndürən maşın yollanıb və yanğın məhdudlaşdırılaraq söndürülüb.
Hadisə nəticəsində xəsarət alan olmayıb. İlkin ehtimala görə, yanğına texniki problem səbəb olub.
ANS