İmtahan 4 şəhərdə keçiriləcək
İyulun 22-də Tələbə Qəbulu üzrə Dövlət Komissiyası (TQDK) 2011/2012-ci tədris ili üçün Azərbaycan Respublikası ali təhsil müəssisələrinə II ixtisas qrupu üzrə imtahan keçirir. TQDK-nın mətbuat xidmətindən Lent.az-a verilən məlumata görə, imtahan Bakı, Naxçıvan, Gəncə və Şəki şəhərlərində təşkil olunur.
II ixtisas qrupu üzrə 26397 abituriyent imtahan verir. Onların 23524-ü Azərbaycan, 2873-ü isə rus bölməsinin məzunudur. 17109 nəfər oğlan, 19288 nəfər isə qızdır.
Qeyd edək ki, bu, iyulun 3-də III ixtisas qrupu, iyulun 10-da I ixtisas qrupu, iyulun 16-da IV ixtisas qrupu üzrə imtahanlar keçirilib.