Arıqlamağın yolları
Sizi maddələr mübadiləsini sürətləndirməklə bədəninizin normal çəkidə qalmasına dair bəzi reseptlərlə tanış edirik.
Çay
Tərkibi: Yaşıl çay, 1 ədəd alma və limon, bir az darçın, 1 çay qaşığı döyülmüş qara bibər, 1 çay qaşığı mixək, 2 litr su.
Hazırlanması: Alma və limonları dörd bərabər parçaya bölün, sonra qabıqlarıyla birlikdə bir qaba qoyun. Qara bibər, darçın və mixək əlavə edib 2 litr suda qaynadın. İçməyə yaxın içinə yaşıl çay əlavə edin və çox dəmləməyin. Yeməkdən sonra isti-isti için
Şorba
Tərkibi: 200 q yarım yağlı qatıq, 1 yemək qaşığı noxud, 1 yemək qaşığı buğda, 3 xiyar, 1 çay qaşığı kətan toxumu, 2 diş sarımsaq, şüyüd.
Hazırlanması: Noxud və buğdanı qaynadın. Xiyarları doğrayın, sarımsaqları əzin. İki stəkan soyuq suda qarışdırın. Ədviyyat və kətan toxumu əlavə edin. Bir, ya da iki gün günorta və axşam istifadə edin.
Günə səhər yeməyi ilə başlayın
Səhər yeməyindən heç vaxt imtina etməyin .Bu, arıqlamağa çox kömək edir. Səhər yeməyi maddələr mübadiləsini aktivləşdirir. Axşamlar isə maddələr mübadiləsi zəiflədiyi üçün ağır yeməklərdən qaçmaq lazımdır.
Az-az, amma tez-tez yeyin
Gündə ən az altı dəfə qidalanın. Bu zaman daha az acacaq və maddələr mübadiləsinin sürətini artıracaqsız. Uzun müddət ac qalmaq maddələr mübadiləsinin sürətini zəiflətdiyi üçün mədənizi boş saxlamayın.
Pəhriz
Uzun müddət ac qalan bədəndə, maddələr mübadiləsi zəifləyir və enerji istehlakı minimuma enir. Bədən enerjiyə qənaət edəndə arıqlamaq çətinləşir. 1000 kalorili pəhriz yeməkləri bədənin tarazlığını pozur, maddələr mübadiləsini zəiflədir. Üstəlik belə pəhrizlər sağlamlığa pis təsir edir.
Toksinlərdən azad olmaq üçün hər gün 2-3 litr su için
Bədəndə yaranan su itkisi də maddələr mübadiləsini zəiflədir. Az maye qəbul etmək isə bədəndə yığılan toksin maddələrin xaric olunmasının qarşısını alır.Busa arıqlamağa əngəl törədir.
Yeməkdən sonra hərəkət edin.
Yeməkdən sonra edilən yüngül gəzintilər maddələr mübadiləsini sürətləndirir. . Ağır məşqlər etməyin.
Yuxu
Sağlam həyat üçün 6-8 saat yatmaq ən az qidalanma və məşq qədər əhəmiyyətlidir.
Fərqli qidalar istifadə edin
Fərqli tərkibli qidalar maddələr mübadiləsini fərqli dərəcədə aktivləşdirir . Hər gün eyni saatlarda eyni şeyləri yemək isə maddələr mübadiləsini zəiflədir.
. Buna görə qidalarınızda hər gün kiçik dəyişikliklər edin.
Zülala üstünlük verin
Zülalla zəngin yeməklər də maddələr mübadiləsini sürətləndirir. Çünki zülallar, tez bir zamanda istifadə edilmir,ehtiyatda qalır və bədənə lazimi anlarda sərf edilir.
Qalxanabənzər vəzi müayinədən keçirin
Əgər düzgün qidalanırsınızsa, davamlı idman etmənizə baxmayaraq arıqlaya bilmirsinizsə, endokrinoloqa və bu sahə üzrə mütəxəssisə müraciət edərək qalxanabənzər vəzinizi yoxladın. Bu vəzin nasazlığı da maddələr mübadiləsinin sürətini zəiflədir.
Loxmaları yaxşıca çeynəyin
Qidaları yaxşı çeynəmədən udmayın. Yemək prosesini uzadın. Qidalanma və həzm zamanı da bədən kalori itirir. Yemək həzmi aktivləşdirir. Qidalanarkən enerjinin miqdarı artır.
Kofeinli içkilər olar, spirtli yox
Gündə 250-350 milliqram kofeinin qəbulu maddələr mübadiləsinin sürətini 8 ilə 13% artırır. Ancaq gündə 400 milliqram kofenidən davamlı istifadə edilməsi asılılıq yarada biləcəyi üçün məsləhət görülmür. Spirtli içkilər isə mənfi təsir etdiyi üçün təhlükəlidir.
Çiy tərəvəz və kəpəkli çörək həzmi asanlaşdırır
Çiy tərəvəzləri ( yağsız və soussuz) istədiyiniz qədər yeyə bilərsiz. Bu, yağların həzm edilməsini məhdudlaşdırır və çox az kalori verir. Qoz, yağ, küncüt isə çox kalori deməkdir. Kəpəkli çörəyə üstünlük verin.
Qarın əzələlərinin möhkəmləndirilməsi
Gündə 20 dəfə edəcəyiniz məşq qarın əzələlərini möhkəmləndirir. Bunun üçün arxası üstə uzanın,əllərinizi başınızın arxasına qoyun, ayaqlarınızı bitişik saxlayın. Qarın əzələlərinizi hərəkət etdirin, nəfəs verib əvvəlki vəziyyətə qayıdın.
Çəkinmə
Bədəninizi düz və gərgin şəkildə, qollarınızın köməyi ilə yuxarı qaldırın. Nəfəs alaraq əvvəlki vəziyyətə qayıdın .Bunu 30 saniyə dincəlməklə səkkiz dəfə təkrarlayın. .
Ayaq və omba əzələlərinin gücləndirilməsi
Arxası üstə uzanın. Ayaqlarınızı geniş açıb dizlərinizi bükün. Nəfəs verərkən omba və onurğalarınızı yuxarı qaldırın. Astaca əvvəlki vəziyyətə dönün. Hərəkəti səkkiz dəfə təkrar edin. .
Qaçış və üzmə
Həftədə ən azı üç gün 30 dəqiqənizi məşqə ayırın. Qaçın, velosiped sürün ,üzün, sürətlə yeriyin, ya da aerobika ilə məşğul olun. Bu ,bədəndəki yağ nisbətinin azalmasına təsirli edir.