Ölən yoxdur
Bakıda yaşayış binasında partlayış olub.
Yasamal Rayon Polis İdarəsindən APA-ya verilən məlumata görə, hadisə bu gün saat 14.30 radələrində, Şərifzadə küçəsi, 26 ünvanında, İnşaatçılar metrosunun yaxınlığında yerləşən yeni inşa olunan hündür mərtəbəli yaşayış binasında qeydə alınıb.
Binanın 5-ci mərtəbəsində baş vermiş partlayış nəticəsində dağıntı olub, xəsarət alanlar var. Əraziyə Fövqəladə Hallar Nazirliyinin xilasediciləri və həkim briqadası gəlib. Araşdırmalar davam etdirilir.
Məlumata görə, partlayış baş verən bina yeni inşa edildiyi üçün həmin binaya təbii qaz çəkilməyib. Partlayışın səbəbləri hələlik məlum deyil.
Bakı şəhər Təcilli Tibbi Yardım Stansiyasında APA-ya bildirilib ki, hadisə yerinə cəlb edilmiş tibbi yardım maşınları 5 yaralını xəstəxanaya aparıb. Hazırda onların şəxsiyyəti müəyyənləşdirilir.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
