Simsar.az xəbər verir ki, 12-22 may tarixləri arasında Bakı şəhərində keçiriləcək 4-cü İslam Həmrəyliyi Oyunları çərçivəsində startı verilmiş Bakı 2017 Könüllülük Proqramı üçün qeydiyyat mərhələsi 11 dekabr 2017-cı il tarixində başa çatacaq. Bu barədə Gənclər və İdman Nazirliyinin mətbuat katibi Səmayə Məmmədova məlumat verib. Hal-hazırda bu proqram üçün qeydiyyatdan keçmiş namizədlər Azərbaycan Dövlət Bədən Tərbiyəsi və İdman Akademiyasında fəaliyyət göstərən Könüllülər Mərkəzində müsahibə mərhələsinə dəvət olunurlar. Bu günə qədər qeydiyyatdan keçmiş 11000 nəfər könüllünün, 3000 nəfəri artıq müsahibədə iştirak etmişdir. Fevral ayınadək davam edən müsahibə mərhələsinin sonunda 8000 könüllü mötəbər idman tədbirinin bir hissəsi olmaq fürsətini qazanaraq Bakı 2017 İslam Həmrəyliyi Oyunlarına cəlb ediləcək. Qeyd edək ki, bu proqrama qatılan bütün könüllülər Bakı 2017 İslam Həmrəyliyi Oyunlarının əlamətdar bir idman bayramına çevrilməsinə töhfə verməklə bərabər, təcrübə əldə edəcək, beynəlxalq arenada Azərbaycanı təmsil etmək imkanı qazanacaqlar.
Odur ki, qeydiyyat mərhələsinin bitməsinə sayılı günlər qaldığını nəzərə alaraq, gənclərərə fürsəti əldən verməyib, Bakı 2017 Könüllülük Proqramına qoşulması məsləhət görülür .
Könüllülük Proqramı ilə bağlı son yenilikləri Bakı 2017 Könüllülərinin Facebook səhifəsindən izləyə bilərsiniz.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
