Xeyli miqarda cərimə ödəniləcək və …
Bu gün AFFA İntizam Komitəsinin iclası keçirilib. Simsar.az-ın AFFA-nın rəsmi saytına istinadən verdiyi məlumatına görə, yığıncaqda ötən həftə keçirilən ölkə kuboku və çempionatının oyunlarında baş verənlərlə bağlı qərarlar qəbul olunub.
NBC Bank Azərbaycan kubokunun 1/2 final mərhələsində keçirilən “İnter” – AZAL matçının 85-ci dəqiqəsində texniki zona qaydalarına riayət etmədiyi üçün meydandan kənarlaşdırılan meydan sahiblərinin baş məşqçisi Nazim Süleymanov 1 oyunluq cəzalanıb. Bu isə o deməkdir ki, Süleymanov sabah keçiriləcək “İnter”lə cavab matçında komandasından ayrı olacaq. AZAL isə 1000 manat cərimə ödəməli olacaq.
Premyer Liqanın XXIX turunun AZAL – “Neftçi” matçının 87-ci dəqiqəsində isə meydan sahiblərinin makedoniyalı legioneri Robert Petrov hakimə qarşı kobud hərəkətə görə birbaşa qırmızı vərəqə alıb. O, 2 oyunluq kənarlaşdırılıb ki, bu da yalnız çempionat oyunlarına şamil edilir.
“Təyyarəçilər” isə 2000 manat cərimə ödəməli olacaq. Stadionda “Neftçi”nin azarkeşləri yerləşən sektorda metal arakəsmələr əyilmiş və sındırıldığı üçün “Neftçi” klubu dəymiş zərərə uyğun olaraq AZAL klubunun təqdim edəcəyi hesab əsasında ödəmə etməlidir.
“Simurq”la qarşılaşmada 4 futbolçusu sarı vərəqə ilə cəzalanan “Qəbələ” 1000 manat ziyana düşüb. Oyunun 86-cı dəqiqəsində birbaşa qırmızı vərəqə alan Deon Barton isə klubu daha 2000 manat xərcə salıb. Yamaykalı legioner 2 oyunluq cəzaya layiq görülüb.
“Qarabağ”la görüşdə 4 futbolçusu sarı vərəqə ilə cəzalanan “Bakı”nın da cəriməsi 1000 manat təşkil edib.
Aynurə
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
