Bu gün Topaz Premyer Liqasında 24-cü turun oyunları keçiriləcək. Simsar.az xəbər verir ki, turun bütün görüşləri eyni gündə baş tutacaq.
Çempionatın lideri “Qarabağ” “Qəbələ”ni qəbul edəcək. Qurban Qurbanovun yetirmələri qazanılacaq növbəti qələbə ilə çempionluq yolunda mühüm addım atmış olacaqlar. “Qara-qırmızılar” isə üçüncülük ümidlərini qorumaq üçün qələbə qazanmağa çalışacaqlar.
İkinci pillədə qərarlaşan “İnter” isə doğma meydanda “Simurq”la münasibətlərə aydınlıq gətirəcək. İtiriləcək xallar “bankirlər”i ikinci pillədən aşağı sala bilər. Bunun üçün “Sumqayıt” səfərinə yollanan “Neftçi”nin də 3 xalla qayıtması lazımdır.
Cari çempionatda işləri qaydasında getməyən “Xəzər Lənkəran” və “Bakı” isə xal ehtiyatını bir qədər də yaxşılaşdırmaqdan ötrü meydana çıxacaqlar.
Topaz Premyer Liqası
XXIV tur
28 fevral
15:00. "İnter" - "Simurq"
Hakimlər: Əliyar Ağayev, Zeynal Zeynalov, Vüqar Bayramov, Munis Abdullayev
Əlavə köməkçi hakimlər: Orxan Məmmədov, Vüsal Əliyev
Bakı. "İnter Arena"
16:00. "Sumqayıt" - "Neftçi"
Hakimlər: Ramil Diniyev, Azər Əsgərov, Elşən Acalov, Xəlil Xəlilov
Sumqayıt. "Kapital Bank Arena"
17:00. "Qarabağ" - "Qəbələ"
Hakimlər: İnqilab Məmmədov, Rza Məmmədov, Rahil Ramazanov, Elman Musayev
Əlavə köməkçi hakimlər: Fariz Yusifov, Ramil Əhmədov
Tofiq Bəhramov adına Respublika stadionu
17:00. "Xəzər Lənkəran" - "Bakı"
Hakimlər: Ömər Paşayev, Namiq Hüseynov, Kamran Bayramov, Elvin Əsgərov
"Xəzər Lənkəran" mərkəzi stadionu
Vüsal Məmmədzadə