Çempionatın bitməsinə 3 tur qalıb
Bakının "Neftçi" futbol klubu tarixində 6-cı dəfə Azərbaycan çempionu olub. Komanda Unibank Premyer Liqasının XXIX turunda səfərdə AZAL klubunu 3:1 hesabı ilə məğlubiyyətə uğratmaqla, sona 3 tur qalmış ölkə çempionluğunu rəsmiləşdirib. “Neftçi”nin qələbəni vaxtından əvvəl rəsmiləşdirməsi onun ən yaxın izləyiciləri olan “Xəzər Lənkəran” və “Qarabağ”ın xal itirmələri nəticəsində mümkün olub.
Unibank Premyer Liqasının 29-ci turunun AZAL - "Neftçi" oyunundan sonra keçirilən mətbuat konfransında komandanın baş məşqçisi Arif Əsədov görüş haqqında fikirlərini bildirib: "Çox sevinirəm ki, çempion olduq. Azarkeşlər bu çempionluğu çoxdan gözləyirdilər. Çempionluğu klub prezidenti Sadıq Sadıqova həsr edirik. Çox təəssüf ki, zədə üzündən məcburi əvəzləmələr etməli olduq. Yəqin ki, qarşıdakı oyunlarda gənc futbolçulara şans verəcəyik".
Xatırladaq ki, milli çempionatın başa çatmasına 3 tur qalmış çempionun kimliyinə aydınlıq gəlsə də ikinci yer uğrunda amansız mübarizə gedir. Bu yerə aktivində 55 xal olan “Xəzər Lənkəran” və 54 xalla “Qarabağ” iddia edir.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
