Real Madrid Barselonaya uduzdu
"Şalke" "Mançester Yunayted"lə bacarmadı
Fanat: Çempionlar Liqasının yarımfinal mərhələsində ilk oyunlara start verilib. Fanat.az xəbər verir ki, ilk oyun günündə "Şalke" doğma meydanda "Mançester Yunayted"i qəbul edib. Qonaqların üstünlüyü ilə keçən matçın birinci hissəsində hesab açılmayıb. İkinci hissədə də hücumlarını davam etdirən "Qrmızı Şeytanlar" 67-ci dəqiqədə hesab açıblar. 2 dəqiqə sonra isə Runi komandasının ikinci qolunu vurub. Meydan sahibləri nə qədər çalışsalar da rəqib qapısına yol tapa bilməyiblər. Matç 0:2 hesabıyla qonaqların qələbəsi ilə başa çatıb.
İkinci oyun günündə isə bütün dünyanın gözlədiyi növbəti "El Klassiko" baş tutub. Çempionlar Liqasında da üz-üzə gələn əzəli rəqiblərin bu, 18 gün içində gerçəkləşən III dueli olub. Sonuncu dəfə İspaniya Kubokunda qarşılaşan "Barselona" - "Real Madrid" matçında madridlilər minimal hesabla qalib gəlmişdi. Bu görüşdə də hansınısa favorit göstərmək çox çətindi idi.
Matçın ilk hissəsində hesab açılmadı. Qarşılıqlı hücumlarla keçən görüşün 61-ci dəqiqəsində meydan sahiblərinin oyunçusu Pepe meydandan qovulur. Pepe meydandan çıxdıqdan az sonra qonaqlar hesabı açırlar. 67-ci dəqiqədə komanda yoldaşından qapı qarşısına ideal ötürmə alan Messi komandasının ilk qolunu vurur. Bu qoldan sonra madridlilər daha da zəif çıxış etməyə başlayırlar. Katalonların hücumlarının ardı-arası kəsilmir. 87-ci dəqiqədə Messi fərdi ustalığı sayəsində 4 müdafiəçinin arasından sıyrılaraq keçir və özünün və komandasının ikinci qolunu vurur. Matç 0:2 hesabıyla katalonların qələbəsi ilə başa çatır.
Çempionlar Liqası
Yarımfinal
İlk oyun
26 aprel
Şalke - Mançester Yunayted 0:2
Qollar: Giqqz, 67, Runi, 69.
27 aprel
Real - Barselona 0:2
Qollar: Messi, 76, 87.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
