“İŞİD” İraqın Azərbaycan türklərinin (Türkmənlərin) daha çox yaşadığı Telafer şəhərində aralarında ən kiçiklərinin 5 aylıq olduğu 74-ü uşaq, 62-si qadın, 136 nəfəri əsir götürüb.
Simsar.az xəbər verir ki, Suriyaya qaçırıldığı iddia edilən əsirlər arasındakı uşaqlardan xəstələnənlərin militanlar tərəfindən öldürüldüyü iddia edilib. Məlumatlara görə “İŞİD” hücumları nəticəsində minlərlə türkmən evindən, yerindən-yurdundan didərgin düşüb. Terrorçuların Köçəri həyat yaşamağa məcbur olan türkmənlərə hücum edərək 250 nəfərə yaxın insanı öldürdüyü açıqlanıb.
“İŞİD”in ən kiçiyi 5 aylıq olan, əksəriyyəti qız 74 uşaq ilə, yaşları 18-35 arasında dəyişən 62 türkmən qadını “Yetim Təhsil Evi” adı altında açdığı mərkəzdə saxladığı bildirilib.
Vüsal Qarayev