“Ronaldo futbolla “Real Madrid”də vidalaşacaq. O, 40 yaşına qədər oynayacaq”.
Simsar.az xəbər verir ki, bu sözləri portuqaliyalı ulduzun meneceri Xorxe Mendes deyib. “Globo Esporte”yə müsahibə verən Mendes Ronaldonun karyerası ilə bağlı sualları cavablandırıb.
Futbolçunun Madriddə xoşbəxt olduğunu vurğulayan menecer onun “Real”ı tərk etmək barədə düşünmədiyini bildirib. Ronaldonun karyerasının sonunadək İspaniyada qalmağı planlaşdırdığını qeyd edən Mendes: “Raul və Alfredo Di Stefanoya hörmətim sonsuzdur. Amma Ronaldonun bu komandaya bəxş etdiyi uğurlardan sonra “7” nömrəli forma muzeydə saxlanılmalıdır”, - deyib.
Ronaldonun bu mövsüm 35 qol vurduğunu dilə gətirən Xorxe Mendes futbolçunu dünyanın ən yaxşısı hesab edir: “İnanmıram, gələcəkdə Ronaldonun rekordunu kimsə təzələsin. Onunla dünyanın ikinci ən yaxşı futbolçusu arasında böyük bir fərq var”.
Portuqaliyalı ulduzu “Real Madrid”in lideri adlandıran menecer komandanın uğurlarında əsas pay sahibi kimi Ronaldonun adını qeyd edir: “5-6 il əvvəl hər kəs “Barselona”nı dünyanın ən güclüsü hesab edirdi. İndi isə vəziyyət dəyişib. “Real Madrid” böyük uğurlar əldə etməkdədir. Bu uğurların başında isə Ronaldonun adı gəlir”.
Vüsal Məmmədzadə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
