İngiltərə Premyer Liqasında QPR-ə qarşı oyun "Arsenal"ın baş məşqçisi Arsen Venger üçün əlamətdar olub.
Simsar.az Britaniya mətbuatına istinadən xəbər verir ki, sözügedən qarşılaşmada fransalı mütəxəssisin komandası rəqibini 2:1 hesabı ilə məğlub edib. Bu nəticə ilə A.Venger "Arsenal"da 600-cü qələbəsi qazanıb.
Bu, həmçinin Vengerin İngiltərə Premyer Liqasında 400-cü qələbəsi olub.
Qeyd edək ki, A.Venger 1996-cı ildən "Arsenal"ı çalışdırır.