Türkiyə “Super Liqa”sında işləri qaydasında getməyən “Sivasspor” Sərgən Yalçınla müqavilə imzalamağa yaxındır. Simsar.az NtvSpor-a istinadən xəbər verir ki, bu barədə futbol mütəxəssisi özü məlumat verib. Klubun rəhbəri Məcnun Otyakmazla görüşdüyünü deyən S.Yalçın ilkin razılığın əldə edildiyini bildirib: “Hazırkı iş yerimlə bağlı bəzi məsələlər var. Onları həll etdikdən sonra müqaviləyə qol çəkəcəyəm”.
Qeyd edək ki, Sərgən Yalçın baş məşqçi kimi ilk təcrübəsini ötən il “Qaziantepspor”la yaşayıb. Komandasını 15 oyuna çıxaran 42 yaşlı mütəxəssis 8 qələbə, 3 heç-heçə əldə edib, 4 dəfə isə məğlub olub.
Vüsal Məmmədzadə