21 yaşadək futbolçulardan ibarət Azərbaycan yığmasının yeni baş məşqçisinin adı bu gün bəlli olmalıdı. Simsar.az Apasport.az-a istinadən xəbər verir ki, AFFA-nın baş katibi Elxan Məmmədovla Məşqçilər Komitəsi (MK) arasında keçirilməsi nəzərdə tutulan görüşdə həmin mütəxəssisin adı açıqlanacaq.
Məşqçilər Komitəsinin baş katibə təqdim etdiyi siyahıda 4 yerli mütəxəssisin adı var. Bunlar Nazim Süleymanov, Əsgər Abdullayev, Yaşar Vabahzadə və Şahin Diniyevdi. İlk 3 məşqçidən fərqli, Diniyevin adının çəkilməsi təəccüb doğura bilər. Məsələ burasındadı ki, federasiya rəhbərliyi komitənin özündən 1 nəfərin U-21-ə namizəd göstərilməsini tələb edib. Belə olan halda, Məşqçilər Komitəsi Diniyevin adını siyahıya əlavə edib.
Təqdim edilən 4 yerli məşqçidən əlavə, federasiya rəhbərliyinin siyahısında 2-3 əcnəbi çalışdırıcının adı var.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
