“FİFA hakimliyindən kənarlaşdırıldığım üçün AFFA-nın baş katibi Elxan Məmmədov və PFL prezidenti Ramin Musayevlə görüşəcəyəm”. Simsar.az xəbər verir ki, bu sözləri növbəti il üçün FİFA bayrağı altında keçiriləcək yarışları idarə edə bilməyəcək Anar Salmanov deyib. O, məsələ ilə bağlı Hakimlər Komitəsinin sədri Xaqani Məmmədovdan AFFA prezidenti Rövnəq Abdullayevə şikayət edəcəyini bildirib.
Simsar.az-a açıqlamasında mövzuya aydınlıq gətirən Xaqani Məmmədov, “Biz Anar Salmanovun adını FİFA referilərinin siyahısına daxil etmişdik. Onun adı FİFA tərəfindən təstiqlənməyib”, - deyib.
Qeyd edək ki, 2015-ci ildə Azərbaycanı FİFA yarışlarında Əliyar Ağayev, Rəhim Həsənov və Orxan Məmmədov təmsil edəcəklər.
Vüsal Məmmədzadə