Mərakeşdə keçirilən klublar arası dünya çempionatı davam edib. Simsar.az xəbər verir ki, ötən gecə UEFA Çempionlar Liqasının qalibi Madrid “Real”ı Meksikanın “Krus Asul” klubu ilə yarımfian mərhələsində qarşılaşıb.
Matçda İspaniya təmsilçisi çətinlik çəkməyib. Rəqibini 4:0 hesabı ilə məğlub edən Karlo Ançelottinin yetirmələri finala vəsiqə qazanıb. “Real” həlledici mərhələdə “San-Lorenso” (Argentina) - "Oklend Siti" (Yeni Zelandiya) cütünün qalibi ilə qarşılaşacaq.
Madridlilərin heyətində Serxio Ramos (15), Kərim Benzema (36), Qaret Beyl (50) və İsko (72) fərqlənib.
Qeyd edək ki, 40-cı dəqiqəyə Xerardo Torradonun penaltisini isə İker Kasilyas qola çevirməyə imkan verməyib.