Bu gün 2015-ci ildə Bakıda keçiriləcək I Avropa Oyunları üçün idman elçisi seçilmiş əcnəbi idmançıların adları açıqlanıb. Yarışın Təşkilat Komitəsindən Simsar.az-a verilən məlumata görə, fransalı bədii gimnast Kseniya Moustafayeva, danimarkalı kanoeçi Rene Holten Poulsen, o cümlədən basketbolun 3X3 növü üzrə serbiyalılar Duşan Domoviç Bulut, Marko Saviç, Marko Zdero və Deyan Maystoroviç idman elçisi təyin ediliblər.
Bu yüksək səviyyəli idmançılar öz idman növlərini təmsil etmək üçün seçilərək, I Avropa Oyunlarını təşviq etmək məqsədilə bütün qitədə keçiriləcək marketinq kampaniyalarına cəlb olunacaqlar.
Bakı-2015-in Əməliyyat Komitəsinin Əməliyyatlar üzrə baş direktoru Saymon Kleq bildirib ki, elçi proqramının məqsədi bütövlükdə qitədə olan yüksək səviyyəli idmançıların, o cümlədən azərbaycanlı medal namizədlərinin yarışda dəstəyini təmin etməkdi: “Biz bunun uğurlu olacağına inanırıq. Mən ilk beynəlxalq idman elçilərini təbrik edirəm və həm onlarla, həm də Bakı-2015-i təşviq etmək üçün növbəti aylarda elan ediləcək digər elçilərlə işləməyi səbirsizliklə gözləyirik”.
Altı nəfər idmançı Avropa Oyunlarını təşviq etmək üçün öz vətənlərində və sosial mediada geniş miqyaslı marketinq kampaniyalarında iştirak edəcəklər.
Dünyanın ən uğurlu oyunçularından biri sayılan 29 yaşlı Bulut 3x3 formatlı basketbol kimi innovativ bir idman növünün Avropa Oyunlarına daxil edilməsi olduqca həyəcanverici olduğunu deyib: “Biz azarkeşlərin bu oyunun sürətini və imkanlarını bəyənəcəyindən əminik. Bakı 2015-də Avropanın digər nüfuzlu komandaları ilə mübarizə aparmağı səbirsizliklə gözləyirik”.
19 yaşlı xanım gimnast Moustafayeva da Bakı-2015-də gimnastikanı təmsil edəcəyi üçün çox həyəcanlı olduğunu açıqlayıb. O, gimnastikanın hər 5 növünün təmsil olunduğu Avropa Oyunlarının qitənin ən yaxşı idmançılarının iştirak edəcəyi möhtəşəm bir tədbir olacağına əminliyini ifadə edib.
2008-ci ildə Pekin Olimpiya Oyunlarında gümüş medal qazanan 26 yaşlı Poulsen də Bakı 2015-də keçiriləcək kanoe sprinti yarışlarının yaddaqalan olacağı şübhə etmədiyini vurğulayıb: “İlk Avropa Oyunlarında bu idman növü üzrə elçi təyin olunmağım olduqca qürurvericidi”.
Qeyd edək ki, Bakı-2015 bir qədər öncə 11 nəfər azərbaycanlı idman elçisini təqdim etmişdi. Yaxın gələcəkdə daha çox sayda beynəlxalq idman elçisinin elan edilməsi də nəzərdə tutulub.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
