UEFA klubların yeni reytinq siyahısını açıqlayıb. Simsar.az xəbər verir ki, ötən siyahıda 158-ci olan “Qarabağ” vəziyyətini 10 pillə yaxşılaşdırıb. Ağdam təmsilçisi son 5 mövsümün nəticələrinə görə 148-ci, cari ilin nəticələrinə görə isə 66-cıdır.
“Qarabağ”dan əlavə daha altı Azərbaycan klubu siyahıda təmsil olunub:
179. “Neftçi” (0)
269. “İnter” (+2)
296. “Xəzər Lənkəran” (+2)
331. “Bakı” (+7)
358. “Qəbələ” (+1)
359. AZAL (+3)
Reytinq cədvəlinə yenə də Çempionlar Liqasının son qalibi “Real” (Madrid) klubu başçılıq edir. “Barselona” ikinci, “Bavariya” isə üçüncü yerdədir.
Qeyd edək ki, ölkələrin reytinqində isə Azərbaycanın mövqeyində dəyişiklik baş verməyib. "Qarabağ"ın "İnter"lə heç-heçəsindən sonra xalını 12.500-ə çatdıran ölkəmiz reytinqdə 29-cudur.