Ermənistan Silahlı Qüvvələri Azərbaycan Ordusunun gizirini yaralayıblar
Ermənistan Silahlı Qüvvələrinin atəşkəsi pozması nəticəsində Azərbaycan Ordusunun hərbçisi yaralanıb. APA-nın məlumatına görə, hadisə cəbhənin Ağdam rayonu istiqamətində qeydə alınıb.
Ermənilərin atəşkəsi pozması nəticəsində ordumuzun giziri, 1982-ci il təvəllüdlü Anar Əli oğlu Süleymanov düşmən gülləsinə tuş gəlib. Güllə yarası alan gizir hospitala yerləşdirilib.
Müdafiə Nazirliyinin mətbuat xidmətinin rəis müavini Teymur Abdullayev APA-ya faktı təsdiqləyib. Bildirib ki, gizirin vəziyyəti kafidir.