“Oyunun vaxtın əvvəl bitirilməsi etiraza səbəb ola bilər və buna görə həmin oyun yenidən keçirilə bilər”.
Simsar.az xəbər verir ki, bu sözləri AFFA Hakimlər Komitəsinin sədri Xaqani Məmmədov “Qarabağ” – “İnter” oyunu haqda təşkil edilmiş mətbuat konfransında bildirib.
Hakim heyətinin görüşü çox zəif idarə etdiyini deyən Məmmədov yekun fitin vaxt bitməmiş səsləndirildiyini də qeyd edib: “Bundan əlavə, qol epizodunda əsas hakimlə yanaşı, yan xətt hakimi və qapı yanında dayanan hakim bilavasitə iştirak edib”.
X. Məmmədov hər üç hakimin bu epizoda biganə qalmasını müəmmalı hesab edib. Hakim inspektorun həmin üç hakimə aşağı bal verəcəyini bildirən Hakimlər Komitəsinin sədri həmin hakimlərin bir müddət UEFA yarışlarına təyinat almayacaqlarını dilə gətirib.
Vüsal Məmmədzadə