“Ağdam təmsilçisinin taleyi öz əlindədir. Düşünürəm, “Qarabağ” bu fürsətdən yararlanacaq”.
Bu sözləri Sizsar.az-a açıqlamasında futbol mütəxəssisi Şahin Diniyev deyib.
Oyunla bağlı fikirlərini bölüşən Diniyev Qurban Qurbanovun yetirmələrini matçın favoriti hesab edir: “İnter” növbəti mərhələyə qrup lideri kimi yüksəlib. Mançini Bakıya ikinci heyətlə gələcək. Düzdür, “Qarabağ”ın da heyətlə bağlı bir sıra problemləri var. Amma, fikrimcə, doğma azarkeşlər önündə qələbə qazanmaq mümkündür”.
Məşqçilər Komitəsinin planlarından da danışan Şahin Diniyev yaxın günlərdə klubların idman direktorları ilə görüşəcəklərini qeyd edib.
Vüsal Məmmədzadə