Bu gün qadın voleybolçular arasında Çempionlar Liqasında 3-cü turun növbəti oyunları baş tutacaq. Simsar.az xəbər verir ki, Azərbaycan təmsilçiləri “Rabitə” və “Azəryol” növbəti oyunlarını keçirəcəklər.
Dejan Brdjoviçin yetirmələri Çexiyada “Agel”in qonağı olacaqlar. Qrup autsayderi ilə görüşdə favorit Bakı təmsilçisidir. İki oyundan sonra 2 xal toplayan “rabitəçilər” qələbə qazanaraq növbəti mərhələ imkanlarını artırmaq arzusundadırlar.
Azərbaycan turnirdəki digər təmsilçisi “Azəryol” isə doğma azarkeşlər önündə Rumıniyanın “Şiitinta” klubunu qonaq edəcək. Aleksandr Çervyakovun yetirmələri növbəti mərhələ imkanlarını qorumaq üçün qələbə qazanmalıdırlar.
A qrupu
20:30. Agel (Çexiya) – “Rabitə” (Azərbaycan)
Hakimlər: Borislav Pobornokov (Bolqarıstan), Tiit Koyv (Estoniya)
Prostejov, İdman Mərkəzi
B qrupu
18:00. “Azəryol” (Azərbaycan) – “Şiitinta” (Rumıniya)
Hakimlər: Mariya Fişer (Almaniya), Giorgio Qnani (İtaliya)
Bakı, Voleybol Mərkəzi
Vüsal Məmmədzadə