“Lokomotiv”in çempionatda iştirakını davam etdirməsi üçün əlimizdən gələni edəcəyik”.
Bu sözləri Simsar.az-a açıqlamasında klubun baş məşqçisi Novruz Əzimov deyib. Hazırda komandada vəziyyətin qənaət-bəxş olduğunu bildirən çalışdırıcı “Lokomotiv”in növbəti oyunlara çıxacağını qeyd edib: “Vəziyyət hər kəsə aydındır. Biz bu vəziyyəti aradan qaldırmaq üçün əlimizdən gələni edəcəyik. Ümid edirik, işlər qaydasına düşəcək”.
Xatırladaq ki, “Lokomotiv” futbolçuları maaşlarını almadıqları üçün I Divizionda “Ağsu” ilə keçirilən matçın 2-ci hissəsinə çıxmaqdan imtina etmişdilər. Nəticədə, Bakı klubuna texniki məğlubiyyət verilmişdi.
Vüsal Məmmədzadə