“Arianespace” şirkəti Yerətrafı orbitə iki peykin uğurlu buraxılışını həyata keçirib. Simsar.az xəbər verir ki, bu barədə şirkətin məlumatında deyilir. İlin əvvəlindən say etibarilə altıncı olan “Ariane 5” raketinin startı Fransanın inzibati idarəçiliyində olan Fransız Qvianasındakı Kuru kosmodromundan edilib.
Orbitə ABŞ-ın “DIRECTV” operatoruna məxsus “DIRECTV-14” televiziya yayımı peyki, eləcə də Hindistan Kosmik Tədqiqatlar Təşkilatının “GSAT-16” telekommunikasiya aparatı çıxarılıb.
Şirkət nümayəndələri qeyd edirlər ki, dekabrın 6-da həyata keçirilən buraxılış nəticəsində il ərzində faydalı yükün 2013-cü ildəki 52,2 ton və 2012-ci ildəki 74,1 tonla müqayisədə ümumi kütləsi 74,3 ton təşkil edən yeni rekorduna imza atılıb.
Peykin buraxılışı əvvəlcədən dekabrın 3-nə təyin olunsa da, qeyri-sabit hava şəraiti ilə əlaqədar təxirə salınıb.
Əsas rəqiblərinin "SpaceX” və “Roskosmos” şirkətlərinin olduğu “Arianespace” dünyanın süni Yerətrafı peyklərin kommersiya buraxılışını həyata keçirən qocaman şirkətlərindədir. Şirkət 21 səhmdar və Avropa Kosmik Agentliyinin dəstəyi ilə yaradılıb.
Aysel Kərimova
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
