Məşhur fransız modelyer Pyer Karden öz məhsullarını bizə təqdim edəcək
Məşhur fransız modelyer Pyer Karden bu il Azərbaycana gələcək. Simsar.az -ın məlumatına görə, bu barədə İTAR-TASS xəbər yayıb. Modelyer bu il Azərbaycanla yanaşı, Rusiya, Braziliya, Yunanıstan və Çinə də səfər etməyi planlaşdırır.
Səfərlərin təfərrüatları dəqiqləşdirilir. Rusiya missiyasının müddəti artıq məlumdur. İyunun 7-də Moskvada "Pyer Karden Günü" keçiriləcək, iyunun 8-10-da estafeti Kaluqa şəhəri qəbul edəcək.
Əlaqələr qurmaq Pyer Kardenin həyat prinsipidir. O, YUNESKO-nun xoşməramlı səfiri, əksər akademiyaların akademiki, Paris Teatrının rəhbəri olmaqla, hər il dünya ölkələrinə çoxsaylı səfərlər edir.