Ukrayna çempionatında XIII turun oyunları keçirilib.
Simsar.az-ın məlumatına görə, "Qarabağ"ın Avropa Liqasındakı rəqiblərindən olan "Dnepr" Zaparoje "Metallurq"unu qəbul edib.
Oyun 1:1 hesabı ilə başa çatıb. Hər iki qol birinci hissədə vurulub. Hesabı 11-ci dəqiqədə qonaqlar açıb. "Qarabağ"ın rəqibi 5 dəqiqə sonra Yevgeni Konoplyankanın bərabərlik qoluna sevinib. "Dnepr" 13 oyundan sonra 28 xalla turnir cədvəlinin 3-cü pilləsində qərarlaşıb.
Qeyd edək ki, "Qarabağ" "Dnepr"i Ukraynada 1:0 hesabı ilə yenib, Bakıda uduzub - 1:2.