AK Partiyadan istefa verərək İstanbulun müstəqil millət vəkili olan Hakan Şükürün siyasətdə necə yol tutacağı bəlli olub.
Simsar.az-ın türk mətbuatına istinadən verdiyi məlumata görə, hökumətə qarşı 17 dekabr və 25 dekabr hadisələrundən sonra AK Partiyadan istefa edən Hakan Şükürün hansı partiyaya keçəcəyi Türkiyə cəmiyytində sual doğurmuşdu.
H.Şükürün istefa etdikdən sonra Milli Məclisdə digər istefa edən vəkillərlə birlikdə verdiyi görüntülərdən sonra xalqın da dəstəklədiyi bir partiyaya qatılacağı iddia edilirdi. Onun əvvəlcə İdris Balın yeni qurduğu Demokratik İnkişaf Partiyasına və İdris Naim Şahinin MİLAD Partiyasına qatılacağı iddia edildi. Ancaq Hakan Şükür bu iddiaları son seçimi ilə boşa çıxardı.
Son iddialara görə, Hakan Şükür artıq siyasətlə məşğul olmaq istəmir və 2015-ci il seçkilərində iştirak etməyəcək. Şükürün bu qərarından sonra onun camaata yaxın quruluşlarda aktiv vəzifə alacağı iddia edilir.
Aysel Kərimova